Ekologiya və Təbii Sərvətlər Nazirliyi və Qırmızı Ürəklər Fondu tərəfindən həyata keçirilən “Batareyaları təhvil ver, təbiəti qoru” layihəsi uğurla davam etdirilir.
Layihə çərçivəsində könüllülər “Azərbaycan Dəmir Yolları” QSC-nin inzibati binasından, “Araz” (Statistika filialı), “Bravo” (Koroğlu filialı) və “Rahat” (Yeni Günəşli filialı) mağazalarından ümumilikdə 73 kq işlənmiş batareya toplayaraq “Tullantıları İdarəetmə Mərkəzi” MMC-yə təhvil veriblər.
Layihənin əsas məqsədi istifadəyə yararsız elektrik batareyalarının təhlükəsiz şəkildə toplanması və xüsusi şəraitdə zərərsizləşdirilməsi, həmçinin cəmiyyətdə ekoloji məsuliyyətin artırılması, tullantıların düzgün idarə olunması barədə maarifləndirmənin gücləndirilməsidir.
