Dünya torpaq günündə meşə fondu torpaqlarında 30 mindən çox ağac əkilib.
Ekologiya və təbii Sərvətlər Nazirliyindən “Report”a verilən məlumata görə, ölkənin bütün regionlarında payız ağac əkini mövsümü ilə əlaqədar genişmiqyaslı ağacəkmə və meşəbərpa tədbirləri davam edir.
Regional Meşə Təsərrüfatı Mərkəzlərinin əməkdaşlarının iştirakı ilə Ağstafa, Lerik, Quba, Siyəzən, Qəbələ, Balakən, Şəki, Sabirabad və Beyləqan rayonlarının meşə fondu torpaqlarının açıq və seyrək ərazilərinin 30 hektar sahəsində 32 000 ədəd ağac tingi əkilib, 1000 kiloqram toxum səpilib.
