ağacəkmə aksiyası

Azərbaycanda payız əkin mövsümü başlayandan bu günədək 785 mindən artıq ağac əkilib.

“Report” xəbər verir ki, payız əkin mövsümünün başladığı dövrdən bu günədək ölkənin meşə fondu torpaqlarında, həmçinin meşə fondu olmayan digər ərazilərində Ekologiya və Təbii Sərvətlər Nazirliyinin (ETSN) təşəbbüsü və təşkilatçılığı ilə ümumilikdə 785 500 ağac əkilib, 24 700 kiloqramdan artıq toxum səpilib.

Qeyd edək ki, ağacəkmə tədbirlərində ETSN yanında “Azərbaycan Yaşıllaşdırma və Landşaft Quruluşu” ASC-nin və Meşə Təsərrüfatı Mərkəzlərinin tinglik sahələrində yetişdirilən ağac tinglərindən istifadə olunur.

Payız ağac əkini ilə əlaqədar ölkə ərazisində genişmiqyaslı ağacəkmə tədbirləri davam edir, meşə və qeyri-meşə fondu torpaqlarında hər bölgənin iqlim şəraitinə uyğun müxtəlif cinsli ağaclar əkilir, toxumlar səpilir.

Ölkə ərazisində ağacəkmə aksiyalarının keçirilməsi bəşəriyyətin diqqət mərkəzində olan qlobal iqlim dəyişmələrinin qarşısının alınması və ölkəmizin götürdüyü öhdəliklərin yerinə yetirilməsi istiqamətində atılan mühüm addımlardandır.

Əvvəlki məqaləAğalı kəndində yaşıllaşdırma işi həyata keçirilib
Növbəti məqalədəLeyla Əliyeva Dubayda COP-28 çərçivəsində iqlim dəyişiklikləri üzrə müzakirələrdə iştirak edib