Gürcüstanın bəzi ərazilərində torpaq sürüşməsi və torpağın deformasiyaya uğraması prosesinin sürətlənəcəyi gözlənilir.
AZƏRTAC xəbər verir ki, bu barədə Gürcüstan Milli Ekologiya Agentliyinin Geologiya Departamentinin 2023-cü ildə hazırlanmış və 2022-ci il dövrünü təsvir edən sənədində bəhs olunur.
Sənədə əsasən, Tbilisi-Qırmızı Körpü və Rustavi avtomobil yollarının bəzi ərazilərində də sürüşmə və deformasiya prosesləri baş verə bilər. Həmçinin Rustavinin Qərb periferiyasında, yeni qəsəbə ərazisində, Tbilisi-Qırmızı Körpü avtomobil yolunun ayrı-ayrı hissələrində, Yağlıca poliqonunun yaxınlığında, Kür çayı dərəsinin sağ yamacında torpaq sürüşmələri proqnozlaşdırılır.
Bundan əlavə, sənəddə qeyd olunur ki, Marneuli və Qardabani bələdiyyələrinin müxtəlif ərazilərində sürüşmə prosesinin aktivləşməsi gözlənilir.
