Naxçıvanda

Naxçıvan Muxtar Respublikası Ekologiya və Təbii Sərvətlər Nazirliyinin təşkilatçılığı, Babək rayon İcra Hakimiyyəti və Naxçıvan Televiziyası əməkdaşlarının, həmçinin ekokönüllülərin iştirakı ilə Əshabi-Kəhf ziyarətgahına gedən yolun ətrafında növbəti dəfə ağacəkmə aksiyası keçirilib.

Naxçıvan MR Ekologiya və Təbii Sərvətlər Nazirliyindən AZƏRTAC-ın Naxçıvan bürosuna bildirilib ki, aksiya zamanı ərazidə iqlim şəraitinə uyğun 700 badam tingi əkilib, yaşıllıq zolağı salınıb.

Ağacəkmə tədbirlərinin keçirilməsində məqsəd Ulu Öndər Heydər Əliyevin əziz xatirəsini yad etmək, Ümummilli Liderin təbiətə, yaşıllıqlara qayğı ənənələrini davam etdirməkdir.

Əvvəlki məqaləDendrologiya Bağı 15 elmi müəssisə ilə əməkdaşlığa dair memorandum imzalayıb
Növbəti məqalədəXəzər dənizində dalğanın hündürlüyü 4,6 metrə çatıb