“Konstitusiya və Suverenlik İli” çərçivəsində martın 27-də Qax rayonunda ağacəkmə aksiyası keçirilib.
AZƏRTAC-ın bölgə müxbiri xəbər verir ki, aksiya zamanı Qax-Qaşqaçay-Armudlu və Qorağan-Qax-Zaqatala avtomobil yollarının kənarlarında 200-dən çox sərv ağacı əkilib. Yeni əkilən ağaclara aqrotexniki qaydada qulluq göstərilib.
Aksiyanın məqsədi ətraf mühitin qorunmasına və ekoloji mühitin sağlamlaşdırılmasına töhfə verməkdir. Kampaniyanın il ərzində davam etdirilməsi nəzərdə tutulur.
